Tarnikkut timikkullu katsorsartinneq
Ataatsimut isiginnittumik eqqarsartariaaseqarneq
Timi, tarneq qaratsarlu ataqatigiipput. Immitsinnut sunniuteqartarput.
Tarnerup – timip – eqqarsartariaatsip qaratsallu oqimaaqatigiissinnissai (balanceqarnissai) uannut pingaaruteqarpoq.
Taamaattumimk katsorsaaninni tamaasa pulaffigalugit suleriuseqarpunga.
Uannut suussuserput tamaat aallaavigalugu suliaqarnermik isumaqarpoq – timi, qarasaq, tarneq, piorsarsimassuseq, anersaaq aammalu naleqartitat.
Timi tarneq anersaarlu ataqatigiipput, taamaattumik ataatsimut isigineqassapput.
Misigissutsit
Ataatsimut isiginnittumik eqqarsartariaaseqarnikkut ingiinnarluta nalaassimasagut eqqartuinnarsinnaanngilagut.
Nalaatat timimut pisarput, soorlu sukattoornerit qasukkartinneqanngitsut aammalu imminut illersortariaqartutut qisuariaatsit suliarineqanngitsut.
Tamakkua timitaleraanni tassaapput misigissutsinit eqqaamasanilluunninit nuanniitsunit qimaaniaannavinnerit.
Misigissutsinilli qimaajuarnerup kaaviaaginnavissutut ingerlariaqqinneq ajulersutut misigisimalersittarpaatigut.
Qimaanitsinni assigiinngitsunik misigissutsitsinnik, annilaangarujusarnernik, ersinernik, aliasunnernik kamammilluunniit malugisinnaajunnaarsitsisinnaasunik pinngitsuuisinnaajunnaarsinnaavugut.
Piareeruit, inuuninnilu eqqissisimaneruleruit, inimi toqqisisimanartumi inuit tatigisatit peqatigalugit iperarniarsinnaavatit/alloriarsinnaavutit.
Sakkussat
Mediteerernikkut pisinnaavoq, timimut sungiusaatitigut nalaataqarnerlussimasunulluunniit iperaanissamut sungiusaatitigut ingerlanneqarsinnaavoq.
Nammineq meeraq qamaniitsitaq aamma asanninnermik qanilaassusermillu tuniorarluarnera sakkussaasinnaavoq, taannami taamanikkut timikkut tarnikkullu innarlerneqarnermi nalaani nammineq naaggaarsinnaasimananilu nuanniitsunit aniniarsinnaanikuunngilaq.
Ullumikkut meerannguaq qamaniitsitaq asanninnermik, qanilaarnermik paasinninnermillu siunertaqarluta naapissinnaavarput, aammalu sungiusaatit ilinniakkagut atorsinnaallutigit.
Siunissarivara
System'erput nunatsinnut tulluarsartariaqarparput
Isumaliuutit nunani killerninngaannersut isumaga malillugu taamaaliornissamut periarfissaqarpallaarsorinngilakka.
Uagut Inuit piorsarsimassuserput, ileqqut naleqartitallu ataatsimoorussagut aallaavigalugit pinngortitamut inoqatinullu atassuteqarnipilussuuvoq.
Taanna nukiuvoq eqqarsartaatsitsinnut timittalu peqqissusaanut pingaarutilipilussuaq.
2SLGBTQ+ maani tikilluaqqusaavusi, toqqissisimallusi attavigeqarfigisinnaavarsinnga
🏳️🌈🏳️⚧️
